2015 جىلعى 28 ءساۋىر ,استانا قالاسى
دالدىگى جوعارى سپۋتنيكتىك ناۆيگاتسيا جۇيەسى ۇلتتىق وپەراتورىنىڭ سپۋتنيكتىك ناۆيگاتسيالىق قىزمەتتەردى ۇيىمداستىرۋ جانە ۇسىنۋ قاعيدالارىن بەكىتۋ تۋرالى
«عارىش قىزمەتi تۋرالى» قازاقستان رەسپۋبليكاسىنىڭ 2012 جىلعى 6 قاڭتارداعى زاڭىنىڭ 9-بابى 1-تارماعىنىڭ 21) تارماقشاسىنا سايكەس بۇيىرامىن:
1. قوسا بەرiلiپ وتىرعان دالدىگى جوعارى سپۋتنيكتىك ناۆيگاتسيا جۇيەسى ۇلتتىق وپەراتورىنىڭ سپۋتنيكتىك ناۆيگاتسيالىق قىزمەتتەردى ۇيىمداستىرۋ جانە ۇسىنۋ قاعيدالارى بەكiتiلسiن.
2. قازاقستان رەسپۋبليكاسى ينۆەستيتسيالار جانە دامۋ مينيسترلىگىنىڭ اەروعارىش كوميتەتى (ت.ا.مۇساباەۆ):
1) وسى بۇيرىقتىڭ قازاقستان رەسپۋبليكاسىنىڭ ادىلەت مينيسترلىگىندە مەملەكەتتىك تىركەلۋىن;
2) وسى بۇيرىق قازاقستان رەسپۋبليكاسىنىڭ ادىلەت مينيسترلىگىندە مەملەكەتتىك تىركەلگەننەن كەيىن كۇنتىزبەلىك ون كۇن ىشىندە ونىڭ كوشىرمەسىن مەرزىمدىك باسپا باسىلىمدارىندا جانە «ادىلەت» اقپاراتتىق-قۇقىقتىق جۇيەسىندە رەسمي جاريالاۋعا جىبەرۋدى;
3) وسى بۇيرىقتى قازاقستان رەسپۋبليكاسى ينۆەستيتسيالار جانە دامۋ مينيسترلىگىنىڭ ينتەرنەت-رەسۋرسىندا جانە مەملەكەتتىك ورگانداردىڭ ينترانەت-پورتالىندا تىركەلۋىن;
4) وسى بۇيرىق قازاقستان رەسپۋبليكاسىنىڭ ادىلەت مينيسترلىگىندە مەملەكەتتىك تىركەلگەننەن كەيىن ون كۇن جۇمىس كۇنى ىشىندە قازاقستان رەسپۋبليكاسى ينۆەستيتسيالار جانە دامۋ مينيسترلىگىنىڭ زاڭ دەپارتامەنتىنە وسى بۇيرىقتىڭ 2-تارماعىنىڭ 1), 2) جانە 3) تارماقشالارىندا كوزدەلگەن ءىس-شارالاردىڭ ورىندالۋى تۋرالى مالىمەتتەردىڭ ۇسىنىلۋىن قامتاماسىز ەتسىن.
3. وسى بۇيرىقتىڭ ورىندالۋىن باقىلاۋ جەتەكشىلىك ەتەتىن قازاقستان رەسپۋبليكاسىنىڭ ينۆەستيتسيالار جانە دامۋ ۆيتسە-مينيسترىنە جۇكتەلسiن.
4. وسى بۇيرىق ونىڭ العاش رەسمي جاريالانعان كۇنىنەن كەيىن كۇنتىزبەلىك ون كۇن وتكەن سوڭ قولدانىسقا ەنگىزىلەدى.
قازاقستان رەسپۋبليكاسىنىڭ ينۆەستيتسيالار جانە دامۋ ءمينيسترى ءا.يسەكەشەۆ
«كەلىسىلدى» «كەلىسىلدى»
قازاقستان رەسپۋبليكاسىنىڭ قازاقستان رەسپۋبليكاسىنىڭ
ۇلتتىق ەكونوميكا ءمينيسترى ىشكى ىستەر ءمينيسترى
______________________ ە.دوساەۆ ______________________ ق.قاسىموۆ
2015 جىلعى 27 تامىز 2015 جىلعى 13 شىلدە
قازاقستان رەسپۋبليكاسى ينۆەستيتسيا جانە دامۋ ءمينيسترىنىڭ
2015 جىلعى 28 ساۋىردەگى №196 بۇيرىعىمەن بەكىتىلگەن
دالدىگى جوعارى سپۋتنيكتىك ناۆيگاتسيا جۇيەسى ۇلتتىق وپەراتورىنىڭ
سپۋتنيكتىك ناۆيگاتسيالىق قىزمەتتەردى ۇيىمداستىرۋ جانە ۇسىنۋ قاعيدالارى
1. جالپى ەرەجەلەر
1. وسى دالدىگى جوعارى سپۋتنيكتىك ناۆيگاتسيا جۇيەسى ۇلتتىق وپەراتورىنىڭ سپۋتنيكتىك ناۆيگاتسيالىق قىزمەتتەردى ۇيىمداستىرۋ جانە ۇسىنۋ قاعيدالارى (بۇدان ءارى – قاعيدالار) «عارىش قىزمەتى تۋرالى» قازاقستان رەسپۋبليكاسىنىڭ 2012 جىلعى 6 قاڭتارداعى زاڭىنىڭ 9-بابى 1-تارماعىنىڭ 21) تارماقشاسىنا سايكەس ازىرلەندى جانە دالدىگى جوعارى سپۋتنيكتىك ناۆيگاتسيا جۇيەسى ۇلتتىق وپەراتورىنىڭ سپۋتنيكتىك ناۆيگاتسيالىق قىزمەتتەردى ۇيىمداستىرۋ جانە ۇسىنۋ ءتارتىبىن بەلگىلەيدى.
2. وسى قاعيدالاردا مىناداي نەگىزگى ۇعىمدار پايدالانىلادى:
1) دالدىگى جوعارى سپۋتنيكتىك ناۆيگاتسيا جۇيەسى (بۇدان ءارى – دجسنج) –جەرۇستى جانە (نەمەسە) عارىشتا ورنالاساتىن تەحنيكالىق قۇرالداردى قامتيتىن جاھاندىق ناۆيگاتسيالىق سپۋتنيكتىك جۇيەنى فۋنكتسيونالدىق تولىقتىرۋلار;
2) دالدىگى جوعارى سپۋتنيكتىك ناۆيگاتسيا جۇيەسىنىڭ ۇلتتىق وپەراتورى (بۇدان ءارى – دجسنج وپەراتورى) – سپۋتنيكتىك ناۆيگاتسيالىق قىزمەت سالاسىندا تەحنولوگيالىق قامتاماسىز ەتۋدىڭ تۇتاستىعىن ىسكە اسىراتىن, سونداي-اق ونى پايدالانۋ نەگىزىندە قىزمەتتەر كورسەتەتىن قازاقستان رەسپۋبليكاسىنىڭ جوعارى دالدىكتى سپۋتنيكتىك ناۆيگاتسيا جۇيەسىن باسقارۋدى جانە پايدالانۋدى جۇزەگە اسىراتىن ۇيىم;
3) جاھاندىق ناۆيگاتسيالىق سپۋتنيكتىك جۇيە (بۇدان ءارى – جنسج) – جەرۇستى, سۋ جانە اۋە وبەكتىلەرىنىڭ كوورديناتتىق-ۋاقىتتىق (گەوگرافيالىق كوورديناتتارى مەن بيىكتىكتەرىنىڭ, قوزعالىس جىلدامدىعى مەن باعىتىنىڭ, ۋاقىتتىڭ) پارامەترلەرىن ايقىنداۋعا ارنالعان عارىش جۇيەسى;
4) ناۆيگاتسيالىق قىزمەت وبەكتىلەرى – ناۆيگاتسيا قۇرالدارىمەن جابدىقتالعان جانە (نەمەسە) ولاردى ناۆيگاتسيالىق قىزمەت ماقساتىندا پايدالاناتىن وبەكتىلەر;
5) سپۋتنيكتىك ناۆيگاتسيالىق اقپارات – ۇسىنىلۋ نىسانىنا قاراماستان, كوورديناتالىق -ۋاقىتتىق جانە ناۆيگاتسيالىق قامتاماسىز ەتۋ مىندەتتەرىن شەشۋ ءۇشىن پايدالانىلاتىن زاتتار, فاكتىلەر جانە قۇبىلىستار تۋرالى مالىمەتتەر (حابارلامالار, دەرەكتەر) جيىنتىعى;
6) سپۋتنيكتىك ناۆيگاتسيالىق قىزمەتتەردى تۇتىنۋشى (بۇدان ءارى – تۇتىنۋشى) – دجسنج وپەراتورىنىڭ قىزمەتتەرىن پايدالاناتىن زاڭدى نەمەسە جەكە تۇلعا.
3. دجسنج وپەراتورى جىلىنا ءبىر رەتتەن سيرەتپەي عارىش قىزمەتى سالاسىنداعى ۋاكىلەتتى ورگانعا الىنعان قىزمەتتەر مەن قولدانىلاتىن اپپاراتۋرانىڭ ءتۇرى بولىگىندە ناۆيگاتسيالىق قىزمەتتەر كورسەتىلگەن تۇتىنۋشىلار جونىندە اقپارات بەرەدى.
2. دجسنج وپەراتورىنىڭ سپۋتنيكتىك ناۆيگاتسيالىق قىزمەتتەردى ۇيىمداستىرۋ ءتارتىبى
4. سپۋتنيكتىك ناۆيگاتسيالىق تەحنولوگيالاردى ەنگىزۋ, سونداي-اق قازاقستان رەسپۋبليكاسىنىڭ اۋماعىندا تۇتىنۋشىلاردى كوورديناتالىق- ۋاقىتتىق جانە ناۆيگاتسيالىق قامتاماسىز ەتۋ دالدىگىن, سەنىمدىلىگى مەن قول جەتىمدىلىگىن ارتتىرۋ ماسەلەلەرىن شەشۋ ماقساتىندا جنسج فۋنكتسيونالدىق تولىقتىرۋ رەتىندە دجسنج قۇرادى.
5. جنسج-نىڭ فۋنكتسيونالدىق تولىقتىرۋلارىن قالىپتاستىرۋ جانە ودان ءارى پايدالانۋ مىندەتتەرى دجسنج-نىڭ وپەراتورىنا جۇكتەلەدى.
6. تابيعي جانە تەحنوگەندىك سيپاتتاعى توتەنشە جاعدايلار تۋىنداعان كەزدە دجسنج وپەراتورى ازاماتتىق قورعاۋ سالاسىنداعى ۋاكىلەتتى ورگانمەن ءوزارا ءىس-قيمىلدار كەزىندە «ازاماتتىق قورعاۋ تۋرالى» 2014 جىلعى 11 ساۋىردەگى قازاقستان رەسپۋبليكاسىنىڭ زاڭىنا سايكەس توتەنشە جاعدايلار تۋرالى حالىقتى اقپاراتتاندىرۋ جانە قاۋىپسىزدىك سالاسىنداعى ءىس-شارالاردى جۇرگىزۋ ءۇشىن سپۋتنيكتىك ناۆيگاتسيالىق قىزمەتتەردى پايدالانۋدىڭ ءابسوليۋتتى باسىمدىعىن قامتاماسىز ەتەدى.
3. دجسنج وپەراتورىنىڭ سپۋتنيكتىك ناۆيگاتسيالىق قىزمەتتەردى ۇسىنۋ ءتارتىبى
7. دجسنج وپەراتورى كوورديناتالىق-ۋاقىتتىق جانە ناۆيگاتسيالىق قىزمەتتەردى (بۇدان ءارى – قىزمەتتەر) تۇتىنۋشىلاردىڭ ءوتىنىمى بويىنشا جۇزەگە اسىرادى.
8. دجسنج وپەراتورى قىزمەتتەردى تاراتۋ, سپۋتنيكتىك ناۆيگاتسيالىق قىزمەتتەردى كورسەتۋ, پايدالانۋ سالاسىندا مامانداردى دايارلاۋ, قايتا دايارلاۋ جانە بىلىكتىلىگىن ارتتىرۋ جۇيەسىن قۇرادى جانە دامىتادى.
9. دجسنج وپەراتورى پايدالانۋشىنىڭ ءوتىنىمىن سۇراتىلعان اۋداندا قىزمەتتەردى كورسەتۋگە تەحنيكالىق مۇمكىندىگى تۇرعىسىندا ءبىر جۇمىس كۇن ىشىندە قارايدى. قاراۋ ناتيجەلەرى بويىنشا دجسنج وپەراتورى پايدالانۋشىعا قىزمەتتەر كورسەتۋ جونىندە كەلىسىم نەمەسە دالەلدى باس تارتۋ جونىندە حابارلامانى ءبىر جۇمىس كۇن ىشىندە جىبەرەدى.
10. قىزمەتتى كورسەتۋ كەلىسىلگەن جاعدايدا تۇتىنۋشى حابارلاما العاننان كەيىن ءۇش جۇمىس كۇن ىشىندە دجسنج وپەراتورى مەن تۇتىنۋشىنىڭ اراسىندا قىزمەت كورسەتۋگە شارت جاساسادى.
شارتقا قول قويىلعان ساتتەن باستاپ ءبىر جۇمىس كۇن ىشىندە تۇتىنۋشى قىزمەتكە قوسىلادى.
بۇيرىق قازاقستان رەسپۋبليكاسىنىڭ ادىلەت مينيسترلىگىندە 2015 جىلعى 5 قازانداعى نورماتيۆتىك قۇقىقتىق كەسىمدەردى مەملەكەتتىك تىركەۋدىڭ تىزىلىمىنە №12136 بولىپ ەنگىزىلدى.